ភ្នំពេញ៖ ប្រធានព្រឹទ្ធសភាកម្ពុជា សម្ដេចតេជោ ហ៊ុន សែន បានបង្ហាញរូបថតអនុស្សាវរីយ៍ជាច្រើនសន្លឹកដែលមានទាំងសខ្មៅនិងពណ៌ចាស់ៗដែលបង្ហាញពីសកម្មភាពរបស់សម្ដេចក្នុងការងារជានាយករដ្ឋមន្ត្រីកន្លងទៅ។

មើលទៅសកម្មភាពក្នុងរូបថតទាំងនេះគឺមិនក្រោម២០ឆ្នាំនោះទេ មានទាំងសកម្មភាពរបស់សម្ដេចចុះជួបកសិករនៅតាមវាលស្រែ សម្ដេចទទួលឆ្លើយសំណួរអ្នកសារព័ត៌មានដោយផ្ទាល់ជាដើម។

សម្ដេចតេជោបានសរសេរនៅលើបណ្ដាញសង្គមរបស់សម្ដេចនៅថ្ងៃអង្គារ៍ ទី១៤ នេះថា ៖ «ប្រហែល៣ខែនេះខ្ញុំបានឃើញរូបថតរបស់ខ្ញុំជាច្រើនសន្លឹកដែលសុទ្ធតែរូបថតដែលខ្ញុំមិនដែលបានឃើញ។ សូមអរគុណចំពោះបងប្អូនដែល

បានជួយរករូបថតទាំងនេះ»។

យូរៗម្ដង សម្ដេចតេជោ ហ៊ុន សែន បានបង្ហោះរូបភាពកាលពីអតីតកាលរបស់សម្ដេចក្នុងបណ្ដាញសង្គមដោយអមនូវប្រវត្តិមួយចំនួនទាក់ទងនឹងរូបនោះផងដែរ។

គួរឲ្យដឹងដែរថាសម្ដេចតេជោ ហ៊ុន សែន កើតនៅថ្ងៃទី៥ ខែសីហា ឆ្នាំ១៩៥២ ក្នុងស្រុកស្ទឹងត្រង់ ខេត្តកំពង់ចាម។ សម្ដេចបានក្លាយជារដ្ឋមន្ត្រីការបរទេសនៅឆ្នាំ១៩៧៩ និងបានក្លាយជានាយករដ្ឋមន្ត្រីកម្ពុជានៅឆ្នាំ១៩៨៤ ដល់ថ្ងៃទី២២ ខែសីហា ឆ្នាំ២០២៣ មុននឹងក្លាយជាប្រធានព្រឹទ្ធសភានៅថ្ងៃទី៣ ខែមេសា ឆ្នាំ២០២៤៕